Әңгімелер

2011 жылғы қаңтар-ақпан айларындағы әкімдердің есебі барысында айтылған тұрғындардың ұсыныстары мен ескертпелерін іске асыру бойынша іс-шаралар жоспарының орындалу барысы туралы

2011 жылғы қаңтар-ақпан айларында тұрғындармен есепті кездесу барысында және оны әзірлеу кезінде облыс, Ақтөбе қаласы және аудан әкімдерінің атына жазбаша және ауызша 875 өтініштер мен ұсыныстар келіп түсті.

Оның 670-і бойынша немесе 76,6% жергілікті жерлерде түсіндірілді.

Қосымша зерделеуді, қаржы ресурстарын қажет ететін, 205 ең өзекті мәселелері бақылауға алынды, олар бойынша іс-шаралар жоспары бекітілді және іс-шаралар Жоспарына сәйкес іске асырылуда.

Негізінен, бұл әлеуметтік сала объектілерін дамыту, елді мекендерді абаттандыру, ауылдарды газдандыру мен сумен жабдықтау, жолдарды жөндеу, балаларды мектепке дейінгі мекемелермен қамту сұрақтары.

205 өзекті мәселенің 46 республикалық деңгейде, 74 облыстық және 85 аудандық (қалалық) деңгейде шешіледі.
Облыс әкімінің тұрғындармен есепті кездесуінің қорытындысы бойынша іс-шаралар жоспарына 27 сұрақ еңгізілді.
Қазіргі уақытта 2 мәселе шешілді, 25 шешілу сатысында тұр.

Қобда ауданының Қобда ауылының кәріз құрылғыларының қайта жаңғырту жұмыстары аяқталды.
Ауылда медициналық кадрларды бекіту жағдайын жақсарту үшін шаралар қабылданды. Жыл басынан бері ауылдық жерлерде барлығы 57 маман жұмысқа орналасты, оның 18 мемлекеттік медициналық университетінің түлектері.

Жобаны іске асыру мақсатында 1,8 млрд.теңге сомасында 10 іс-шараны, оның ішінде 222,0 млн. теңге республикалық бюджеттен қаржыландыру мәселесі шешілді. Хромтау ауданының Аққұдық селосын газдандыруға, Әйтекеби, Байғанин, Ырғыз және Темір аудандарында және Ақтөбе қаласының білім беру объектілерін салуға, Мұғалжар ауданының Золотонош ауылында, Темір ауданының Шұбарқұдық ауылында және Шұбарқұдық кәсіпшілігінде суқұбырлық құрылыстарға және жобалау-сметалық құжаттамасын әзірлеуге, Қарғалы ауданының «Ащылысай ауылына кіреберіс» автожолында су өткізу құбырларын күрделі жөндеуге қаражаттар көзделді.

Жоғарыда аталған жобалардың 6-ның жүзеге асырылуы 2011 жылы басталды, 4 бойынша құрылыс-монтаждық жұмыстарын 2012 жылы бастау жоспарлануда. Қазақстан Республикасының Көлік және коммуникация министрлігімен «Ақтөбе-Атырау-Астрахань» (Ресей Федерациясы шекарасына дейін) және «Ақтөбе-Орск» (Ресей Федерациясы шекарасына дейін) учаскелеріндегі автожолдарға күрделі жөндеу жүргізуге 2012 жылы қаржы бөлу мәселесі қарастырылуда.
Қазақстан Республикасының Индустрия және жаңа технологиялар министрлігінің Геология және жер қойнауын пайдалану комитетіне Қарғалы ауданының Қос-Естек ауылында, Хромтау ауданының Бөгетсай ауылында, Шалқар ауданының Шалқар қаласында су қорларын анықтау үшін іздеу-барлау жұмыстарын жүргізу туралы ұсыныс енгізілді.
Облыс аумағын дамытудың 2011-2015 жылдарға арналған бағдарламасында 2014-2015 жылдарда іске асыру кезеңімен Мәртөк, Темір және Шалқар аудандарының 3 ауылын газдандыру мәселесі енгізілді.

Темір, Қарғалы аудандарында әлеуметтік сала нысандарын дамыту және аббаттандыру, сонымен қатар, Мұғалжар ауданында елді-мекенді газдандыру мәселелерінің шешілуі қаралуда.
Ақтөбе қаласы және аудан әкімдерінің тұрғындармен есепті кездесулерінің қорытындылары бойынша тиісті Іс-шаралар жоспарына барлығы 178 мәселе енгізілді.

Олардың іске асырылуына республикалық, облыстық, қалалық және аудандық бюджеттерден 10,0 млрд. теңгеге жуық қаржы бөлінді.
Бүгінгі күнге Іс-шаралар жоспарының 107 тармағы оң шешімін тапты, 71 шешілу сатысында.

Бүгінгі күні іске асырылған ірі жобалардың арасында Алға ауданының Қарақобда және Есет батыр Көкұлы ауылдарында сумен жабдықтау жүйесін салу, Мәртөк ауданының Қаратоғай ауылын ауыз сумен қамтамасыз ету, Ақтөбе қаласында «Батыс-2» және «Болашақ» мөлтек аудандарында тұрғын үйлерді салу, «Ақжар-2» тұрғын үй алабын газдандыру бойынша жұмыстары аяқталды.

Әкімдердің есептері барысында тұрғындармен айтылған ұсыныстары мен ескертулерін іске асыру жөніндегі іс-шаралардың орындалуы жергілікті атқарушы органдардың тұрақты бақылауында.